Conspectus rerum Latinus 5/2006

Septembro 20, 2006

Ministroj pri Justico kaj Internaj Aferoj en urbo Tampere, de la 20a ĝis la 22a de septembro
La ministroj pri Justico kaj pri Internaj Aferoj de EU neformale kunvenos en urbo Tampere de la 20-a ĝis la 22-a de septembro. La kunvenon prezidos Leena Luhtanen, ministrino pri Justico de Finnlando, kaj de Kari Rajamaki, ministro pri Internaj Aferoj.
Ministrino Luhtanen gvidos debaton pri estonta juĝo-polico de EU. La prezidanteco intencas reformi la sistemon juĝi, kiu en sia nuntempa formo malebligas kunlaboradon pri justico kaj internaj aferoj.
Ĵaude la ministroj debatos kiel pliefikigi la strategion de EU kontraŭ terorismo. Ministro Rajamaki parolos pri limigado de enmigrado en EUn kaj prezentos rimedojn de la prezidenta konsilio por akceli solidarecon en Eŭropo kiuj videble rilatas al enmigrado, gardado de landlimoj, permeso de politika azilo.
Gazetara konferencoj pri tiu kunsido okazos ĵaude la 21-an de septembro je la 12.30 kaj je la 17.45 (GMT +3) kaj vendrede la 22-an de septembro, kaj estos rekte videblaj per Interreto aŭ el dosiero elŝutebla ĉe eu2006.fi.
http://www.eu2006.fi/calendar/vko38/en_GB/1129710063210/?calYear=2006&calMonth=8

Sesa kunveno de ministroj pri Industrio de EU kaj de mediteraneaj landoj en insulo Rodoso, la 21-an kaj la 22-an de septembro
Ministroj pri Industrio de EU kaj de mediteraneaj landoj kunvenos en greka insulo Rodoso la 21an kaj la 22an de septembro. Partoprenos ankaŭ reprezentantoj de industriaj organizaĵoj. La pritraktota temo estos tutmondiĝo de societoj de UE kaj de apudmediteraneaj landoj. La kunvenon prezidos Mauri Pekkarinen, ministro pri Komerco kaj Industrio de Finnlando, kaj de Dimitris Siouflas, greka ministro pri Progreso.
http://www.eu2006.fi/calendar/vko38/en_GB/1147176158125/?calYear=2006&calMonth=8

Ministroj kunvenos en urbo Oulu la 24-an ĝis la 26an de septembro por pridebati la Eŭropan agrikulturan modelon
Neformala kunveno de ministroj pri Agrikulturo taksos la elektitan modelon de agrikultura politiko por EU, kaj taskojn pri la danĝeroj kiuj urĝe minacas la kamparon.
Ĉi tiu temo estas parto de la ĝenerala temaro de ambaŭ prezidantecoj de la jaro 2006, t. e. noviganta, subtenebla kaj konkurenckapabla agrikulturo en kampara Eŭropo. La kunvenon prezidos Juha Korkeaoja, ministro pri Agrikulturo kaj Silvikulturo.
Gazetara konferenco okazos la 26an de septembro je la 12.30 (GMT +3), kaj estos videbla rekte per Interreto aŭ el dosiero elŝutebla ĉe eu2006.fi.
http://www.eu2006.fi/calendar/vko38/en_GB/1129710316891/?calYear=2006&calMonth=8

Conspectus Rerum Latinus
La venonta numero de Conspectus Latine aperos merkrede la 27an de septembro.
Conspectus rerum Latinus: http://www.eu2006.fi/newsletters

Originala teksto © la buroo de la finna registaro (Valtioneuvoston kanslia – Statsrådets kansli).

Advertisements

Conspectus rerum Latinus 4/2006

Septembro 13, 2006

Decido pri pligrandiĝo de ASEM en la Helsinka Pintkunveno la 10-11-an de septembro
La 11-an de septembro la estroj de 38 Aziaj kaj Eŭropaj landoj, kune kun la prezidanto de la Eŭropa Komisiono, finis la dutagan Pintkunvenon de ASEM 6 en Helsinko.

En la kunveno oni starigis regulojn por la estonta kunlaboro inter Eŭropo kaj Azio, kaj oni alprenis decidon pri ses novaj kunlaborantoj akceptendaj en ASEM. En la venonta Pintkunveno de ASEM, kiu okazos en Pekino en 2008, la nombro de kunlaborantoj estos kreskinta de 39 ĝis 45, ĉar Bulgario kaj Rumanio el Eŭropo, kaj Hindio, Mongolio, Pakistano kaj la Sekretariato de ASEAN flanke de Azio, aliĝos al ASEM.

Krom tio, la ŝtat- kaj registar-estroj alprenis du deklarojn. La Deklaro pri Klimatoŝanĝo celas plifortigi kloplodojn atingi ĝeneralan akordon en internaciaj interkonsiliĝoj pri klimato.

La alia deklaro, nomata la Helsinka Deklaro pri la Estonteco de ASEM, proponas regulojn kaj rekomendojn facile uzeblajn, laŭ kiuj kunlaborado progresos estontece.

La dokumentoj rilataj al la Pintkunveno, ekz. informoj por la amaskomunikiloj, publikigitaj konkludoj konkludoj, estas prezentataj en la retpaĝoj de ASEM 6. Per tiu retejo ankaŭ eblas aliri la kvar elsendojn, kiujn oni faris rekte per Interreto dum la kunveno.

ASEM 6, Sesa Pintkunveno Azio-Eŭropo: www.asem6.fi.

Konsilio pri Ĝeneralaj Aferoj kaj Eksteraj Rilatoj (KĜAER) en Bruselo la 14-an kaj 15-an de septembro
Kunveno de la Konsilio pri Ĝeneralaj Aferoj kaj Eksteraj Rilatoj (KĜAER), kiun partoprenos la eŭropuniaj ministroj pri eksteraj aferoj, okazos en Bruselo la 14-an kaj 15-an de septembro. La diskutoj ĉefe koncentriĝos je okcidenta Balkanio, Darfuro, Demokratia Respubliko Kongo, Mez-Oriento kaj Irako. Erkki Tuomioja, la finna ministro pri eksteraj aferoj, prezidos la Konsilion.

La kunvenon sekvos gazetara konferenco, kiu rekte elsendiĝos per Interreto kaj spekteblos en www.eu2006.fi. La horo de tiu elsendo konfirmiĝos pli malfrue.

Ĉefaj eventoj en la venonta semajno
18-a de septembro en Bruselo: Konsilio pri Agrikulturo kaj Fiŝkaptado
www.eu2006.fi/calendar/vko38/en_GB/1147702436222/?calYear=2006&calMonth=8

20-22-a de septembro en Tampereo: neformala kunveno de ministroj – Justico kaj Internaj Aferoj
www.eu2006.fi/calendar/vko38/en_GB/1129710063210/?calYear=2006&calMonth=8

24-26-a de septembro en Oŭlo: neformala kunveno de ministroj – Agrikulturo
www.eu2006.fi/calendar/vko38/en_GB/1129710316891/?calYear=2006&calMonth=8

Conspectus rerum Latinus
La venonta numero de Conspectus Latine aperos merkrede, la 20-an de septembro.

Conspectus rerum Latinus: www.eu2006.fi/newsletters/

Originala teksto © la buroo de la finna registaro (Valtioneuvoston kanslia – Statsrådets kansli).


Conspectus rerum Latinus 3/2006

Septembro 6, 2006

Neformala Ekofin-Konsilio kunvenos en Helsinko la 8-9-an de septembro
La dutaga kunveno de la EKOFIN-konsilio traktos vastan aron da temoj, interalie la nunan staton kaj estontecon de la monda ekonomio, la stabilecon de la financaj merkatoj kaj la institucian evoluon de Internacia Mon-Fonduso (IMF). Antaŭos la EKOFIN-konsilion kunveno de la eŭro-grupo, t.e. de la dek du landoj kies komuna valuto estas eŭro. En vendredo, la 8-a de septembro, rekte elsendiĝos en Interreto, je la horoj 09.00 (GMT+3), 12.30 (GMT+3) kaj 16.45 (GMT+3), gazetaraj konferencoj de la prezidanteco. En sabato, la 9-an de septembro, la gazetara konferenco de la prezidanteco estos elsendita samrimede je 13.15 (GMT+3).

Informoj por la amaskomunikiloj: www.eu2006.fi/mediaguides

Pintkunveno EU-Korea Respubliko kaj EU-Ĉinio en Helsinko la 9-an de septembro
En Helsinko, la 9-an de septembro, okazos pintkunvenoj inter Eŭropa Unio kaj Korea Respubliko, kaj inter EU kaj Ĉinio. Gazetara konferenco de la prezidanteco elsendiĝos Interrete en eu2006.fi je 11.45 (EU-Koreio) kaj posttagmeze (EU-Ĉinio).

Informoj por la amaskomunikiloj: www.eu2006.fi/mediaguides

Pintkunveno de ASEM6 en Helsinko la 10-11-an de septembro 2006
En la pintkunveno nomata ASEM6 kunvenos reprezentantoj de 38 landoj de Azio kaj Eŭropo, kaj delegitoj de la Eŭropa Komisiono, por trakti en malferma kaj sincera interparolo la ĉeftemon “Tutmondaj defioj – Respondoj komunaj”. Interretaj elsendoj el la la pintkunveno videblos en la retejo www.asem6.fi. Dimanĉe, la 10-an de septembro, je 14.00 (GMT+3) la solena inaŭguro videblos per Interreto; same la gazetara konferenco de la finna ĉefministro je 21.45 (GMT+3). Lunde, la 11-an de septembro, posttagmeze elsendiĝos Interrete la solena fermo, kaj gazetara konferenco de la kunordigantoj je 17.30 (GMT+3).

ASEM6, Sesa Pintkunveno Azio-Eŭropo: www.asem6.fi

eu2006.fi je la dispono de amaskomunikiloj

La prezidanteco renkontas ĵurnalistojn la 6-an de septembro
La 6-an de septembro je 14.15 (GMT+2), ĉefministro Matti Vanhanen rekte respondas al demandoj de ĵurnalistoj, same televide kiel rete, sub la nomo Presidency meets the press, La prezidanteco renkontas ĵurnalistojn. La elsendo okazos per EbS (Europe by Satellite, Eŭropo per Satelito). Ĉi tiu programo, kiun produktas la finna EU-prezidanteco, EbS kaj la finnlanda publikserva radia kaj televida kompanio YLE, estos elsendata unufoje monate dum la finna prezidanteco. Ĝin povas spekti ĉiuj kun aliro al Interreto aŭ al EbS-elsendoj satelitaj.

La prezidanteco renkontas ĵurnalistojn: www.eu2006.fi/pmp

Conspectus rerum Latinus
La venonta numero de Conspectus Latine aperos merkrede, la 13-an de septembro.
Conspectus rerum Latinus: www.eu2006.fi/newsletters/

Originala teksto © la buroo de la finna registaro (Valtioneuvoston kanslia – Statsrådets kansli).


Neniu Conspectus dum aŭgusto

Aŭgusto 2, 2006

Dum la monato de aŭgusto, ne aperos novaj numeroj de Conspectus rerum Latinus. Le sekva publikiĝos je la 6-a de septembro.


Conspectus rerum Latinus 2/2006

Julio 21, 2006

Konsilio pri Justico kaj Internaj Aferoj (JIA) en Bruselo lundon la 24-an de Julio
Okazos lunde la unua el tri kunvenoj de la Konsilio pri Justico kaj Internaj Aferoj (JIA), kiuj estas aranĝataj kadre de la finna prezidado de EU. Inter la ĉefaj temoj en la tagordo troviĝas la komunikaĵoj de la Komisiono rilate al reinspektado de la Haga programo, ĝenerala konsidero por pritrakti enmigradon, kaj reguligado de amasa enmigrado. Leena Luhtanen, ministro pri justico, kaj Kari Rajamäki, ministro pri internaj aferoj, prezidos la kunvenojn de la Konsilio JIA.

La malfermaj kunsidoj de la Konsilio, kiuj okazos ekde la 10.00 laŭ loka Brusela tempo (GMT+2), kaj la gazetara konferenco, kies horo konfirmiĝos sur la retpaĝo, estos prezentataj samtempe ĉe www.eu2006.fi.

Konsilio pri Konkurenco en Bruselo lundon la 24-an de julio
Okazos eksterordinara kunveno de la Konsilio pri Konkurenco lunde la 24-an de Julio. Ĉe ĉi tiu kunveno, kies ĉefa tasko estos pritrakti la 7-an Kadran Programon por Esplorado, oni proponos strebi al politika konsento rilate ĉi tiun programon. La prezidanto de la Konsilio estos Mauri Pekkarinen, ministro pri komerco kaj industrio.

Malferma kunsido, kiu okazos de la 11.00 ĝis la 13.00 laŭ loka Brusela tempo (GMT+2), kaj gazetara konferenco, kiu okazos post tiu kunsido, estos prezentataj samtempe ĉe www.eu2006.fi.

EU tre maltrankviliĝas pri okazaĵoj en Mez-Oriento
La Prezidanteco de Eŭropa Unio ege maltrankviliĝis kiam ĝi eksciis, ke la sekureca situacio ĉe la landlimo inter Israelo kaj Libano degeneris. Pro tio la Prezidanteco instigas al ĉiuj flankoj, ke ili memrege sindetenu de ĉia ajn agado, kiu povus akrigi la nunan krizon. La Prezidanteco ankaŭ petegas al ĉiuj ŝtatoj en la regiono, ke ili kondutu respondece kaj faru ĉion eblan por trankviligi la situacion. Vi trovos la opinion de la Prezidanteco pri la lastaj okazaĵoj en Israelo kaj Libano, ĉe www.eu2006.fi.

Malfermaj kunsidoj ĉe kunvenoj de la Konsilio de EU dissendiĝas interrete
La membraj ŝtatoj de EU interkonsentis en Junio, ke la malfermaj kunsidoj ĉe la kunvenoj de la Konsilio de Ministroj elsendiĝu samtempe en Interreto. La Konsilio pri Ekonomiaj kaj Financaj Aferoj (ECOFIN), kiu kunvenis la 11-an de Julio, estis la unua kunveno, kies malfermaj kunsidoj estis elsendendaj per ttt laŭ la Junia dekreto. En la retpaĝoj de la Prezidado tamen ne sole montriĝas elsendoj de la malfermaj kunsidoj de la kunvenoj de la Konsilio, sed ankaŭ tie eldoniĝas ekzemple la neformalaj kunvenoj de la ministroj kaj la gazetaraj konferencoj post diversaj kunvenoj de la EU-aj instancoj.

Interretaj elsendoj ĉe www.eu2006.fi.

Prezidanteco renkontas la gazetaron
Tiuj finnoj, kiuj prezidas EU-on, respondas persone al demandoj de la gazetaro per televido same kiel per ttt. Oni donas al EU-aj raportistoj en Bruselo eblecon po unu fojon monate, por ke ili intervjuu finnajn ministrojn en Helsinko pere de EbS (mallongigo, kiu signifas Eŭropo per Satelito) pri aferoj, kiujn ili taksas atendindaj por la ĉeestantaro. Ĉi tiuj kunsidoj por demandoj kaj respondoj estos spekteblaj de ĉiuj, kiuj havas aliron al la retejo de EbS. La farantoj de la programo estas la Finna Prezidanteco de EU, Eŭropo per Satelito, kaj la finnlanda publikserva radia kaj televida kompanio YLE.

La unua elsendo de tiu ĉi programo (nomata Prezidanteco renkontas la gazetaron) elsendiĝis ĵaude la 13-an de Julio. La unua gasto estis Paula Lehtomäki, la ministro por eŭropaj aferoj.

Prezidanteco renkontas la gazetaron: www.eu2006.fi.

Conspectus rerum Latinus
La sekva ‘Conspectus rerum Latinus’, latina kroniko eldonata sub la egido de la Finna Prezidanteco de EU, dissendiĝos merkredon la 6-an de Septembro 2006.
Conspectus rerum Latinus: http://www.eu2006.fi/newsletters/

Originala teksto © la buroo de la finna registaro (Valtioneuvoston kanslia – Statsrådets kansli).


Conspectus rerum Latinus 1/2006

Junio 30, 2006

Kiam Finnlando estis prezidanto de Eŭrop-Unio, ĝi kutimis publikigi Conspectus Latinus (Vidado Latina) pri aferoj rilataj al la prezidanteco. En la jaro 1999, kiam Finnlando okupis la prezidantecon, ĝi altiris al si rigardojn kaj intereson de eŭropanoj kaj ĝi estis ricevita de ili kun multaj pozitivaj kritikoj. Sekve, Conspectus estas redaktota ankaŭ en la jaro 2006. La uzado de latina lingvo estas omaĝe al eŭropa kulturo kaj memorigo al ĉiuj pri radikoj de la eŭropa socio, kiu devenas de la antikva klasika epoko.

Conspectus rerum Latinus (laŭvorte, Vidado al Aferoj Latina) estas verkata de profesoro Tuomo Pekkanen kaj instruisto Reijo Pitkäranta, kiuj estas redaktoroj de la Latinaj Novaĵoj (Nuntii Latini) elsendataj de la finnlanda publikserva radia kaj televida kompanio YLE ekde la jaro 1989.

Conspectus rerum Latinus estas publikigota en la retpaĝoj de la Eŭrop-Unia Prezidanteco, kaj eblas mendi ke oni sendu ĝin al via retpoŝto. Ĝi estas eldonota dufoje en la monato Julio, unufoje ĉiusemajne de Septembro ĝis Decembro. Dum la monato Aŭgusto ĝi ne aperos kaŭze de somerferioj. Ĝi aperos merkrede.

YLE: Nuntii Latini http://www.yleradio1.fi/nuntii/

Originala teksto © la buroo de la finna registaro (Valtioneuvoston kanslia – Statsrådets kansli).